गराज खड्का
रुकुम
नेपाली लोक तथा दोहोरी गीत गायन क्षेत्रमा २०६५ सालमा प्रवेश गरेका यज्ञ
ओली यतिबेला राष्ट्रिय स्तरमै सम्र्पुण लोक पारखी श्रोता र दर्शकका ढुकढुकी
बन्दै छन । कारण के रैछन भन्ने गीतबाट आफ्नो यात्रा शुरु गरेका ओलीले
अहिले तिन दर्जन बढी गीतमा लय,शब्द र स्वर दिईसकेका छन । लगनशिलता सगै
सबैसंग मिलनसार पनि रहेका गायक ओली वनपाखा मेलापात, उकाली ओराली गर्दा होस्
या नेपाली माटोमा नेपाली पहिचान बोकेको गीत नै नेपाली लोकगीत भन्न रुचाउछन
।
उनले यात्राको शुरुवात लोकदोहोरी गीत कारण के रैछन् भन्ने श्रोतामाँझ निकै
चर्चित ठानियो र बजार पनि राम्रै लियो । सानै उमेर देखि गीत संगीत भन्ने
बित्तिकै हुरुक्कै हुने ओली अहिले आफ्नो जीवनको मुख्य पाटो नै यहि क्षेत्र
भएको बताउछन । यस क्षेत्रमा प्रबेश गरे संगै गायक ओलीले हालसम्म कारण के
रैछन्, रुपकी रानी, कोहि छ बिहे गर्ने, अन्तै नाता गाँस्नुु पापिनी, तिम्रो
लागि मर्ने मान्छेलाई, बचनैले पनि मन जल्दो रहेछ, मै झिल्के खाली हो र
भर्खरै मात्र हाम्रो रुकुम राम्रो रुकुम तथा पर्यटन सम्बन्धी गीत संगै अन्य
गीतहरुमा पनि शब्द, संकलन तथा स्वर दिएर तिन दर्जन बढि गीत बजारमा
ल्याईसकेका छन् ।
त्यस्तै पहिलो समय आमा एल्वम पनि बजार आएको छ । बिदेशीनु पर्दाको बाध्यता
समेटिएको उक्त एल्बम देश तथा बिदेशका रहेका लागि पनि लोकप्रिय बन्ने
ठानिएको छ । त्यस्तै केहि एल्बमहरु बजारमा आउने तयारी अबस्थामा पनि रहेका
छन । मृत्युलाई जितेर पनि बाच्न सक्छु भन्ने एल्बमको पनि प्राबिधिक तयारी
भैरहेको छ । प्रायः जसो आफ्नै जिल्लामा रहेर पनि नेपाली लोक तथा दोहारी
गीतको वास्तविक यथार्थतालाई चित्रण गर्न सक्ने गायक ओली आजभोली जिल्ला
भित्र र जिल्ला बाहिरका मेला महोत्सबमा हुने साँगीतिक कार्यक्रममा निकै
व्यस्त भएको बताउँछन् ।
‘केहि समय अघि नेपालका बिभिन्न जिल्ला तथा भारतको गुजरात प्रदेशको समेत
सांस्कृतिक कार्यक्रमा गईयो’ उनले भने, ‘देश तथा बिदेशमा अझै थप श्रोता र
दर्शकमा आफूलाई चिनाउने अवसर पाएकोमा सबै सहयोगी र आयोजकलाई धन्यबाद दिन्छु
।’ उनका अनुसार आफुले बजारमा ल्याएको पर्यटन सम्बधी गीतले रुकुम जिल्ला र
राप्ती अञ्चलवासीको पृथक पहिचान झल्काएकोमा हामी सबैले गौरव गर्नुपर्ने
बताए । आफ्नो साँगितिक यात्रा धेरै चुनौती, संघर्ष र लामो मेहनतले यहाँसम्म
आएको बताउदै उनले आगामी दिनहरुमा पनि यसै क्षेत्रमा समर्पित भएर लाग्ने
दाबी गरे ।